အိမ်လွမ်းသူ: အာဇာနည်မျိုး သေရိုးမရှိ...

တို့တိုင်းပြည်...

ထလော့မြန်မာ အိုမြန်မာတို့
တို့ရွာတို့မြေ တို့ရွာမြေ၀ယ်
စေတီစပါး များလည်းများ၏
များပါလေလည်း တမွဲမွဲနှင့်
ဆင်းရဲကာသာ ကာလကြာလျှင် ယာစကာမျိုး
တညှိုးညှိုးနှင့် ပုထိုးမြင့်မောင်း
ကျောင်းကြိုကျောင်းကြား လှည့်လည်သွားလျက်
မစားလေရ ၀မ်းမဝ၍
ဆွမ်းမျှမတင်နိုင် ရှိမည်တည်း။

ထလော့မြန်မာ အိုမြန်မာတို့
တို့ရွာတို့မြေ တို့ရွာမြေ၀ယ်
ရေချိုသောက်ရန် မြစ်ချောင်းကန်နှင့်
သီးနှံချိုပျား များလည်းများ၏
များပါလေလည်း တမွဲမွဲနှင့်
ဆင်းရဲကာသာ ကာလကြာလျှင်
မြင်သာမြင်ရ မစားရ၍
တောက ပြိတ္တာဖြစ်မည်တည်း။

ထလော့မြန်မာ မြန်မာထလော့
အားမပျော့နှင့် မလျှော့လုံ့လ
သူကစ၍ ငါကအားလုံး
လက်ရုံးမြားမြောင် ဉာဏ်မြားမြောင်နှင့်
စွမ်းဆောင်ကြလေ ဆောင်ကြလေလော့
ဤမြေဤရွာ ဘယ်သူ့ရွာလဲ
ဤယာစပါး ဘယ်သူ့စပါးလဲ
ထားလော့တာဝန် ပွန်လော့လုပ်ငန်း
ဉာဏ်ရှေ့ပန်း၍ တ၀မ်းတစိတ် ညီစေသတည်း။

(ဆရာဇော်ဂျီ)

‘ သားမြေးတို့တွက် ကြိုးစားစို့ ’

• ငါ သာလျှင် တော် ၊ သူ မတော် ဟု

လူတော် ထင်ပါ ၊ တို့မြန်မာ ကို

ဘယ်ခါ ဆယ်၍ ရ မလဲ ၊၊

• ကြွားရင်း နှင့် နစ် ၊ ဝါး ရင်း နစ်သည့်

နစ်လျက် နေပါ ၊ တို့မြန်မာ ကို

ဘယ်ခါ ဆယ်၍ ရ မလဲ ၊၊

• အကောင်း ဆိုးထင် ၊ ဆိုး ကောင်းထင် နှင့်

အထင်လွဲပါ ၊ တို့မြန်မာ ကို

ဘယ်ခါ ဆယ်၍ ရ မလဲ ၊၊

• သူ့ကို ငါ ညှိုး ၊ ငါ့ သူ ညှိုး နှင့်

အညှိုးကြီး ပါ ၊ တို့မြန်မာ ကို

ဘယ်ခါ ဆယ်၍ ရ မလဲ ၊၊

• ညည်း၍ မပြီး ၊ ညူ မပြီးဘူး

အပြီးတကာ ၊ လုပ်နိုင်ပါ မှ

တော်ရာ ရောက်လိမ့် နောင်အဖို့ ၊၊

နိုးကြ ထကြ မြန်မာတို့ ၊၊

သားမြေးတို့တွက် ကြိုးစားစို့ ၊၊ ၊၊

( မင်းသုဝဏ် )

သင်သေသွားသော်

ဪ လူ့ပြည်လောက
လူ့ဘဝကား
အိုရ နာရ သေရဦးမည်
မှန်ပေသည်တည့် ။

သို့တပြီးကား
သင်သေသွားသော်
သင်ဖွားသောမြေ
သင်တို့မြေသည်
အခြေတိုးမြှင့်
ကျန်ကောင်းသင့်၏ ။

သင်၏ မျိုးသား
စာစကားလည်း
ကြီးပွါးတက်မြင့်
ကျန်ကောင်းသင့်၏ ။

သင်ဦးချ၍
အမျှဝေရာ
စေတီသာနှင့်
သစ္စာအရောင်
ဉာဏ်တန်ဆောင်လည်း
ပြောင်လျက် ဝင်းလျက်
ကျန်စေတည်း ။

ဇော်ဂျီ (ဒီဇင်ဘာ ၁၉၃၅)

အဖေကဒီလို..ဆုံးမတော့...

သမီး… လူဆိုတာ တည်ကြည်ဖြောင့်မတ်ရမယ်။

လောကမှာ… မီးများမီးနိုင်…

ရေများရေနိုင်… ဆိုတာ ဓမ္မတာပဲ။

တနေ့…တည်ကြည်ဖြောင့်မတ်သူတွေ

များလာရင် ...

တို့နိုင်ငံမှာ… တည်ကြည်ဖြောင့်မတ်တဲ့

အစိုးရတရပ် ပေါ်ပေါက်လာမှာပါ။

အဲ့ဒီအချိန်ဟာ အဖေလည်းရှိတော့မှာမဟုတ်ဘူး။

သမီးတို့လည်း မှီချင်မှမှီမယ်

ဒါပေမဲ့သမီး… အဖေတို့အခုစားနေရတဲ့

အသီးအပွင့်တွေဆိုတာ

ရှေးလူကြီးတွေစိုက်ပျိုးခဲ့လို့ပဲ။

လေးစားအပ်သူများကလည်း...

ညီလေး...
ဆုံးရှုံးတယ်ဆိုတဲ့ ဝေါဟာရကို မင်းအဘိဓါန်ထဲက ဆုတ်ဖြဲပစ်လိုက်...
ဆုံးရှုံးတယ်လို့ ထင်နေတာတွေဟာ တကယ်တော့ ရင်းနှီးမြုပ်နှံတာ.... ပေးဆပ်နေတာ....
ငါတို့ကလေးတွေအတွက် ငါတို့သားမြေးတွေအတွက် တို့ဘိုးဘွားတွေသာ မပေးဆပ်ခဲ့ရင်
ဒီကနေ့ လွတ်လပ်ရေး ဘယ်ရလိမ့်မလဲ...
အဲဒီပေးဆပ်မှုတွေ အတွက် မင်းကိုယ်မင်း ဂုဏ်ယူလိုက်စမ်း...မင်းသားမြေးတွေ ဂုဏ်ယူတတ်အောင် သင်ပေးစမ်း...
ဆုံးရှုံးတယ်ဆိုတဲ့ ဝေါဟာရကို မင်းခေါင်းထဲက ဆွဲထုတ်ပစ်လိုက်...ငါတို့ပေးဆပ်နေတယ်... ရင်းနှီးနေတယ်.. လာ ငါတို့ ပေးဆပ်စို့... ရင်းနှီးစို့....

အိမ်လွမ်းသူ

Sunday, July 19, 2009

အာဇာနည်မျိုး သေရိုးမရှိ...

No comments: